Cena Fine anno 2016

GRAZIE

a chi ha partecipato alla Festa Conviviale di fine anno 2016 presso l’Hotel Villa Ducale di  Dolo dello scorso 11 dicebre

 

All’evento è stata letta la poesia di Alberto Coletto – menestreo da mar :

    … RIVA EL NADAL (scaricala)

Oci lustri, giossa al naso,

recie frede non par caso,

ma cuor caldo che ben spera

gà ee comari dea Riviera.

Sugamani, canevasse,

bee tovaje e çento strasse,

do presine, paiassetti

fasso’etti e bei merletti.

Po’ çinture, anca borsette,

tacuini trentasette…

Tute robe fate a man

par el dotore e par el vian.

Una taja, staltra cuse

ben atenta a no far buse,

una incarta, staltra stira

e nea busta alfine impira.

Forsa, forsa, amissi cari

tiré fora tre denari,

xe par fare del ben san

che ocore dar ‘na man.

Co ‘sto pejo e tanto amor

se combate ogni doeor.

Ma par rancurare schei

e curar i bruti e i bei,

So’e Dona, de contorno,

ghe ne pensa una al giorno:

se par impenir ee casse

più no basta vendar strasse,

vegna el pranzo, ea lotteria,

cari amissi, nessa e zia

a trovarse nel saeon

par do ciacoe in confusion.

Aea fine, el tacuin

ridarà come un bambin!

Un consiglio, amigo beo,

or te dà sto menestreo:

se ea carne ea xe duretta

para zo el bocon in fretta

e d’aiuto sia el bicier

come al vecio gondolier.

No i xe stomego e intestin

i attori del festin,

xe el cuor, l’amor par i altri

voer ben a quei e a staltri,

xe el vaeore del conforto

quando tuto par andar storto.

Su i bicieri, abbasso el mal,

viva noi, viva el Nadal.